پشاور( نیشنل ٹائمز) بنوں واقعہ پر 25 جولائی کو صوبائی ایپکس کمیٹی کا اجلاس بلا لیا گیا۔ذرائع کے مطابق ایپکس کمیٹی اجلاس میں وزیراعلی، کورکمانڈر، چیف سیکرٹری، آئی جی سمیت دیگر حکام شرکت کریں گے، ایپکس کمیٹی اجلاس میں بنوں جرگہ کے پانچ مشران بھی شرکت کریں گے۔بنوں جرگہ مشران کے مطالبات ایپکس کمیٹی کیسامنے رکھے جائیں گے، ایپکس کمیٹی اجلاس میں بنوں واقعہ سے متعلق کمیشن بنانے کے طریقہ کار پر غور ہوگا۔ذرائع کے مطابق 22 جولائی کو بنوں مشران کا جرگہ وز یر اعلی ہائو س میں بلایا گیا تھا، بنوں جرگہ مشران نے اپنے مطالبات وزیراعلی علی امین گنڈاپور کے سامنے رکھے تھے۔
بنوں واقعہ، 25 جولائی کو صوبائی ایپکس کمیٹی کا اجلاس طلب
