واشنگٹن (نیشنل ٹائمز) امریکی صدر جوبائیڈن کی جانب سے آئندہ صدارتی الیکشن میں بطور امیدوار نامزدگی کی حمایت کرنے پر کملا ہیرس نے کہا ہے کہ ڈونلڈ ٹرمپ کو ہرانے کے ساتھ ساتھ پارٹی اور قوم کو متحد کرنے کی کوشش کروں گی،غیرملکی میڈیا رپورٹس کے مطابق امریکا کی نائب صدر کملا ہیرس نے کہا ہے کہ صدر جوبائیڈن کی طرف سے صدارتی امیدوار کے طور پر توثیق فخر کی بات ہے، میرا مقصد آئندہ صدارتی الیکشن کیلئے ڈیموکریٹس کی نامزدگی حاصل کرنا اور جیتنا ہے،کملا ہیرس نے مزید کہا ہے کہ صدر بائیڈن نے ملک اور عوام کو ہر چیز سے بالاتر رکھا، جوبائیڈن کی غیر معمولی قیادت اور ملک کیلئے خدمات پر ان کا شکریہ ادا کرتی ہوں، ٹرمپ کو ہرانے کے ساتھ ساتھ پارٹی اور قوم کو متحد کرنے کی کوشش کروں گی۔