واشنگٹن(نیشنل ٹائمز) سابق امریکی صدر و موجودہ صدارتی امیدوار ڈونلڈ ٹرمپ نے کہا ہے کہ اگر وہ صدر بن گئے تو ایسی جنگیں صرف ایک ٹیلی فون کال پر ختم کرادیں گے۔امریکی نشریاتی ادارے کے مطابق ری پبلکن کنونشن سے خطاب میں ڈونلڈ ٹرمپ نے کہا کہ ہم سب مل کر ترقی اورآزادی کے نئے دور کاآغاز کریں گے ۔ امید کے پیغام کے ساتھ سب کے سامنے یہاں کھڑا ہوں۔ہم مل کر امریکہ کو ایک عظیم ملک بنائیں گے۔ امریکی معاشرے سے تقسیم کو ختم کرنا ہوگا۔ڈونلڈ ٹرمپ نے حماس کے 7 اکتوبر کو اسرائیلی سرزمین میں گھس کر حملے کا زکر کرتے ہوئے کہا کہ اگر وہ صدر ہوتے تو اسرائیل پر کبھی حملہ نہیں ہوتا۔جوبائیڈن انتظامیہ کو تنقید کا نشانہ بناتے ہوئے امریکی صدر نے کہا کہ دنیا ہم پر ہنس رہی ہے۔ موجودہ حکومت مسائل حل کرنے میں ناکام رہی ہے اور یہ الیکشن ملکی تاریخ میں اہم ترین ثابت ہوں گے۔شمالی کوریا کے سربراہ کے حوالے سے ڈونلڈ ٹرمپ نے کہا کہ میں سمجھتا ہوں وہ میری کمی محسوس کر رہے ہوں گے۔ٹرمپ نے میکسیکو کے ساتھ سرحدی دیوار مکمل کرنے کا عزم کا اظہار کرتے ہوئے ملک میں تارکین وطن کے لیے سخت پالیسی کا عندیہ دیا ہے۔سابق امریکی صدر ڈونلڈ ٹرمپ نے خود پر قاتلانہ حملے کے دوران ہلاک ہونے والے شہری کے لواحقین کے لیے 63 لاکھ ڈالر جمع کرنے کا اعلان کیا۔ انہوں نے مزید کہا کہ تمام امریکیوں کے لیے انتخاب لڑ رہا ہوں۔ میری جیت نصف امریکہ کے لیے نہیں ہوگی،سپورٹ کرنے پر امریکی عوام کا شکریہ ادا کرتا ہوں۔