مظفر گڑھ (نیشنل ٹائمز) محکمہ اینٹی کرپشن مظفرگڑھ نے پی ٹی آئی کے رکن قومی اسمبلی معظم جتوئی کی گرفتاری ظاہر کردی۔ پولیس کے مطابق معظم جتوئی کرپشن کے مقدمے میں تھانہ صدر مظفرگڑھ میں بند ہیں، اینٹی کرپشن حکام درج مقدمہ میں ریمانڈ کے لیے انہیں عدالت میں پیش کریں گے۔معظم جتوئی قومی اسمبلی کے حلقے این اے 177 سے ایم این اے ہیں۔ واضح رہے کہ گزشتہ روز پی ٹی آئی رہنمائوں نے دعوی کیا تھا کہ اینٹی کرپشن نے ہمارے رکن قومی اسمبلی معظم جتوئی کو اٹھا لیا۔