ماسکو(نیشنل ٹائمز) روسی وزارت خارجہ کی ترجمان ماریا زاہرووا نے کہا ہے کہ امریکہ میں صدور اور صدارتی امیدواروں پر قاتلانہ حملے ملکی سیاست کی ایک روایت بن چکے ہیں۔انہوں نے کہا کہ امریکہ کے صدر جو بائیڈن کا کہنا ہے کہ ملک میں صدور، صدارتی امیدواروں، معروف شخصیات اور سیاسی شخصیات پر قاتلانہ حملے امریکہ کی داخلہ سیاست کا ایک المناک پہلو ہیں۔ لیکن میں یہاں وہ بات کہنا چاہوں گی جو بائیڈن نہیں کہہ سکے۔ بائیڈن کو یہ کہنا چاہیے تھا کہ یہ قاتلانہ حملے ملکی سیاست کا ایک المناک پہلو ہی نہیں ایک روایت بھی بن چکے ہیں۔