اسلام آباد(نیشنل ٹائمز)توہین الیکشن کمیشن اور توہین چیف الیکشن کمشنر کیس میں اہم پیش رفت ہوئی ہے، الیکشن کمیشن آف پاکستان نے سابق وفاقی وزیر فواد چوہدری کے وارنٹ گرفتاری جاری کردیے کیس کی سماعت 7 اگست تک ملتوی کردی گئی ہے. پاکستان تحریک انصاف کے بانی چیئرمین عمران خان اور سابق وفاقی وزیر فواد چوہدری کے خلاف توہین الیکشن کمیشن کیس کی سماعت ہوئی، ممبر الیکشن کمیشن نثار درانی توہین کی سربراہی میں 4 رکنی کمیشن نے کیس کی سماعت کی۔

عمران خان کے وکیل شعیب شاہین کے معاون وکیل کمیشن میں پیش ہوئے اور انہوں نے بتایا کہ شعیب شاہین اسلام آباد ہائیکورٹ میں مصروف ہیں ممبر خیبرپختونخوا نے استفسار کیا کیا یہ کیس اہم نہیں کیا آپ کے پاس وکالت کا لائسنس ہے معاون وکیل نے کہا جی میرے پاس وکالت نامہ موجود ہے ڈپٹی ڈائیریکٹر لاءالیکشن کمیشن نے کہا کہ ہائی کورٹ میں عمران خان کے لئے اس کیس میں کوئی حکم امتنا نہیں جنوری میں آخری بار ہائی کورٹ میں اس کیس کی سماعت ہوئی تھی ہائی کورٹ نے حتمی ارڈر پاس کرنے سے روکا تھا لیکن کاروائی کی جا سکتی ہے۔
شعیب شاہین کے معاون وکیل نے کہا کہ الیکشن کمیشن جوابدہ کی ورچول حاضری کو یقینی بنا سکتا ہے ممبر نے پوچھا کیا ورچول حاضری ہو سکتی ہے جوابدہ کیا ویڈیو لنک سے حاضری لگوا سکتے ہیں سول کیسز میں تو حاضری ضروری نہیں کرمنل کیس میں حاضری لازمی ہے عمران خان کے معاون وکیل نے کہا کہ قانون شہادت میں آپ ٹیکنالوجی کو استعمال کر سکتے ہیں کورٹ ورچول حاضری کی اجازت دے سکتی ہے.
الیکشن کمیشن کے ممبر سندھ نے پوچھا کہ فواد چوہدری یا ان کے وکیل کہاں ہیں، جس پر فواد چوہدری کے وکیل فیصل چوہدری کے معاون وکیل کمیشن میں پیش ہوئے اور بتایا کہ فیصل چوہدری بھی اسلام آباد ہائیکورٹ میں موجود ہیں. ممبر کمیشن نے استفسار کیا ہم فواد چوہدری کا وارنٹ نکالیں فواد چوہدری تو جیل میں نہیں ان کا وارنٹ نکالتے ہیں وکیل کی حاضری سے استثنی تو چل جائے گی لیکن فواد چوہدری کہاں ہیں ہم فواد چوہدری کے معاملے پر فیصلہ کرتے ہیں معاون وکیل نے کہا کہ ہائی کورٹ میں فواد چوہدری کا کیس چل رہا ہے ممبرکمیشن نے کہا کہ ہائی کورٹ میں تو فواد چوہدری کی حاضری ضروری نہیں، کمیشن آزاد ہے، کسی کے ماتحت نہیں بعد ازاں الیکشن کمیشن نے فواد چوہدری کے قابل ضمانت وارنٹ گرفتاری جاری کر دیے اور سماعت 7 اگست تک ملتوی کردی گئی ۔