راولپنڈی(نیشنل ٹائمز)بانی پی ٹی آئی نے تحریک انصاف کے جنرل سیکرٹری عمرایوب کا استعفی مسترد کرتے ہوئے انہیں ملاقات کے لیے کل (جمعرات کو ) اڈیالہ جیل طلب کر لیا۔ذرائع کے مطابق بانی پی ٹی آئی نے عمر ایوب کو بطور سیکرٹری جنرل کام جاری رکھنے کی ہدایت کی، بانی پی ٹی آئی نے کور کمیٹی اور پارلیمانی کمیٹی کی قراردادوں کی توثیق کر دی۔عمر ایوب اور شبلی فراز نے کٹھن وقت میں کام کیا، یہ 8 فروری کے ہیرو ہیں، بانی پی ٹی آئی نے جمعرات کو عمرایوب کو اڈیالہ جیل میں ملاقات کیلئے طلب کیا۔ذرائع کے مطابق بانی پی ٹی آئی نے جے یو آئی ف سے مذکرات کیلئے تشکیل کردہ کمیٹی کی بھی توثیق کر دی۔
بانی پی ٹی آئی نے عمرایوب کا استعفی مسترد کر دیا، ملاقات کیلئے طلب کرلیا
