اسلام آباد (نیشنل ٹائمز)پاکستانی شوبز انڈسٹری کی باصلاحیت اداکارہ سونیا حسین نے اپنی نئی فلم ”دادل“ سے اپنی پہلی جھلک مداحوں سے شیئر کردی۔فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے اپنی نئی فلم کا پوسٹر شیئر کیا ہے جو لیاری کی مشہور باہمت باکسر حیا بلوچ کی زندگی پر بنائی گئی ہے۔پوسٹ کے کیپشن میں انہوں نے لکھا کہ ’ میں محض خوف کیخلاف مزاحمت نہیں کرتی، میں وہ باہمت خاتون ہوں جس کا زندگی نے شاید کبھی تصور بھی کیا ہو، میں حیا بلوچ ہوں‘۔انہوں نے دعاؤں کی اپیل کرتے ہوئے مزید لکھا کہ ’گینگسٹر کرائم تھرلر فلم ”دادل “ سے اپنی پہلی جھلک کی نقاب کشائی کررہی ہوں، میرا کردار لیاری سے تعلق رکھنے والی باہمت اور حقیقی فائٹر کی عکاس کر رہا ہے‘۔فلم میں سونیا حسین کے ہمراہ محسن عباس حیدر بھی ہیں، فلم کو آئندہ سال عید الفطر کے موقع پر ریلیز کیا جائے گا۔