اسلام آباد (نیشنل ٹائمز)پاکستان مسلم لیگ ن (پی ایم ایل این) کے رہنما طلال چوہدری نے دعوی کیا ہے کہ یہ آڈیو لیکس بنی گالہ لیکس ہیں، زیادہ تراجلاس اور گفتگو بنی گالہ میں ہوئی ہے۔انہوں نے کہا کہ آڈیو لیک پارٹ ٹو میں کچھ لوگ جو بات چیت کررہے ہیں یہ اجلاس بنی گالہ میں ہوا ہے۔طلال چوہدری نے کہا کہ عمران خان بنی گالہ کو پی ایم ہاؤس کے طور پر استعمال کرتے تھے، 27 مارچ کے بعد جب عمران خان کو یاد آیا کہ ان کے پاس کوئی حل نہیں تو اس دن بنی گالہ میں اجلاس ہوئے۔ان کا کہنا تھا کہ 28 اور 29 مارچ کے سارے اجلاس عمران خان نے بنی گالہ میں کیے ہیں۔