اسلام آباد(نیشنل ٹائمز)سینیئر اداکارہ ریما خان نے اداکارہ ماہرہ سے ملاقات کی ایک ویڈیو شیئر کی ہے جس میں ماہرہ کے باڈی گارڈ کو اداکاراؤں کی ملاقات میں خلل ڈالتے دیکھا گیا۔انسٹاگرام کے مختلف پیجز پر ریما خان کی ایک انسٹا اسٹوری ویڈیو شیئر کی جارہی ہے جس میں انھیں ماہرہ خان سے ایک ایوارڈ شو کی تقریب میں ملتے دیکھا جاسکتا ہے۔ویڈیو میں ماہرہ کو تو ریما خان سے اچھی طرح ملتے دیکھا جاسکتا ہے تاہم ماہرہ خان کے باڈی گارڈ اپنا ہاتھ دونوں کے بیچ میں لے آئے جیسے وہ ماہرہ کو ریما سے بچانا چاہ رہے ہوں۔بعد ازاں ریما نے بھی اس ویڈیو کو شیئر کرتے ہوئے لکھا کہ ’ ماہرہ کے باڈی گارڈ اسے کس سے بچا رہے تھے؟۔ماہرہ اور ریما کی ویڈیو سوشل میڈیا پر بھی وائرل ہوگئی ہے جس پر سوشل میڈیا صارفین کی جانب سے مختلف اور دلچسپ تبصرے کیے جارہے ہیں۔