اسلام آباد(نیشنل ٹائمز)جسٹس ریٹائرڈ شاہ خاور نے کہا ہے کہ صرف مقبولیت کی بنا پرعدالتیں کسی کو رعایت نہیں دے سکتیں۔ماہر قانون جسٹس ریٹائرڈ شاہ خاور نے پروگرام ’’آج شاہ زیب خان زادہ کے ساتھ‘‘ میں گفتگوکرتے ہوئے کہا کہ عمران خان کو ٹھیک مشورہ نہیں دیا جارہا، ٹھیک مشورہ یہی ہے کہ وہ اپنے بیان کا دفا ع نہ کریں۔انہوں نے کہا کہ قانون سے ناواقفیت کوئی دفاع نہیں ہوتا، اگر عمران خان اپنی انا کی خاطر اتنا بڑا نقصان کرتے ہیں تو یہ افسوس ناک ہوگا۔پروگرام میں گفتگو کرتے ہوئے ماہرِ قانون جسٹس ریٹائرڈ شائق عثمانی نے کہا کہ اگر عمران خان اس زعم میں ہیں کہ وہ اتنے مقبول ہیں کہ کوئی کچھ کر ہی نہیں سکتا بلکہ جج کو معافی مانگنی چاہیے تو پھر ہمیں چاہیے کہ اپنا ملک بند کر کے بیٹھ جائیں۔عمران خان نے توہین عدالت کی سماعت کرنیوالے بینچ پر بھی اعتراض اٹھا دیاانہوں نے کہا ہے کہ عمران خان نے عدالت میں جو جواب دیا ہے عام طور پر عدالتیں ایسے جوابات قبول نہیں کرتیں۔