اسلام آباد(نیشنل ٹائمز): عامر لیاقت حسین کی ناگہانی موت سے خالی ہونے والی قومی اسمبلی کی نشست این اے 245 کراچی موجودہ قومی اسمبلی کی مدت کے اختتام تک خالی رہے گی جہاں پی ٹی آئی کے محمود مولوی گزشتہ ہفتے انتخابی معرکے میں منتخب ہوئے تھے۔ باخبر ذرائع نے دی نیوز کو بتایا ہے کہ اس وقت پی ٹی آئی کے تین ارکان قومی اسمبلی نے رکنیت کا حلف اٹھانا تھا لیکن انہوں نے اس کا انتخاب نہیں کیا۔ خیال کیا جاتا ہے کہ اگر منتخب اراکین رکنیت کا حلف اٹھاتے ہیں اور پارٹی کی پالیسی کے مطابق انہیں استعفیٰ دینا پڑے تو ان کی متعلقہ نشستیں دوبارہ خالی ہو جائیں گی اور پارٹی کو الیکشن لڑنا پڑے گا۔ ذرائع مطابق اگر عمران خان اپنے اعلان کے مطابق 9 نشستوں سے الیکشن لڑیں اور اگر وہ واپس آجائیں تو یہ نشستیں قومی اسمبلی کی مدت پوری ہونے تک خالی رہیں گی۔ذرائع نے یاد دلایا کہ پی ٹی آئی نے رواں سال اپریل میں این اے 33 ہنگو (کے پی کے) کے ضمنی انتخاب میں کامیابی حاصل کی تھی جہاں ندیم خان خیال کامیاب امیدوار کے طور پر واپس آئے جنہوں نے رکنیت کا حلف نہیں اٹھایا جب کہ اس دوران قومی اسمبلی کے تین اجلاس ہو چکے ہیں، وہ پی ٹی آئی کے مرحوم رکن خیال الزمان کے بیٹے ہیں۔الیکشن کمیشن آف پاکستان (ای سی پی) نے واپس آنے والے امیدوار کا باقاعدہ نوٹیفکیشن بھی جاری کر دیا تھا۔