اسلام آباد(نیشنل ٹائمز)وفاقی وزیر اطلاعات مریم اورنگزیب کا کہنا ہےکہ دوسروں کو قانون پر لیکچر دینے والا قانون سے بھاگ رہا ہے، عمران خان کا راہداری ضمانت لینا اور شہباز گل کی رہائی کا مطالبہ قانون سے فرار نہیں تو کیا ہے۔اسلام آباد میں پریس کانفرنس کرتے ہوئے مریم اورنگزیب کا کہنا تھا کہ عمران خان کا مقصد افراتفری پھیلا کر معیشت کی سمت پھر خراب کرنا ہے، فارن فنڈنگ کیس کا فیصلہ آیا جرم ثابت ہوا، 8 سال یہ احتساب سے بھاگتے رہے ، ان کی صداقت امانت کا جنازہ نکل چکا ہے ، الیکشن کمیشن نے ان کو فارن ایجنٹ ڈیکلیئر کیا ہے۔مریم اورنگزیب کا کہنا تھا کہ عمران خان پکڑے گئے ہیں ، چوری پکڑی گئی ، پانچ بیان حلفی پکڑے گئے، جب انویسٹی گیشن کرتے ہیں تو کہتے ہیں نہیں آؤں گا، خاتون جج کو کہتے ہیں چھوڑوں گا نہیں، اس پر کیوں سو موٹو نہیں لیا جاتا؟