اسلام آباد(نیشنل ٹائمز)معروف بالی وڈ ڈائریکٹر کرن جوہر کا کہنا ہے کہ سدا بہار اداکار انیل کپور اپنے نواسے سے نانا کہلوانا پسند نہیں کریں گے۔گزشتہ روز سونم کپور نے انسٹاگرام اکاؤنٹ پر خبر دی کہ وہ بیٹے کی ماں بن گئی ہیں جس کے بعد بالی وڈ کی کئی نامور شخصیات نے اداکارہ کو ڈھیروں مبارکباد دیں اور نیک خواہشات کا اظہار کیا۔انسٹاگرام پر لائیو سیشن کے دوران کرن جوہر نے سونم اور ان کے گھر والوں کو مبارکباد دی اور انیل کپور سے متعلق دلچسپ بات بھی کی۔بالی وڈ اداکارہ سونم کپور کے ہاں بیٹےکی پیدائشکرن جوہر نے کہا ‘مجھے یقین نہیں آ رہا کہ سونم ماں بن چکی ہے، مجھے نہیں لگتا کہ انیل کپور اس بات سے خوش نہیں ہوں گے کہ انہیں کوئی نانا کہے کیونکہ وہ حد سے زیادہ جوان ہیں’۔یاد رہے کہ 65 سالہ انیل کپور بالی وڈ کے وہ اداکار ہیں جو اپنی فٹنس کی وجہ سے دنیا بھر میں مشہور ہیں۔خیال رہےکہ مئی 2018 میں سونم کپور اپنے قریبی دوست اور بزنس مین آنند آہوجا کے ساتھ شادی کے بندھن میں بندھی تھیں۔