اسلام آباد(نیشنل ٹائمز)وزیراعلیٰ سندھ مراد علی شاہ نے اعلان کیا ہے کہ سندھ میں سیلاب سے متاثرہ 60 فیصد خاندانوں کو بے نظیر انکم سپورٹ پروگرام کے ذریعے 25 ہزار روپے کی رقم دی جائے گی۔مراد علی شاہ نے کہا ہے کہ صوبے کی تاریخ میں شدید ترین بارشیں ہوئی ہیں جو کہ گزشتہ سالوں کے مقابلے میں 400 گنا زیادہ ہیں۔انہوں نے کہا بارشوں سے 177 اموات رپورٹ ہوئیں، پورے سندھ کے30 اضلاع بارش کی لپیٹ میں آئے۔وزیراعلیٰ سندھ کا کہنا تھا کہ بے نظیر انکم سپورٹ پروگرام کے ذریعے متاثرہ 60 فیصد خاندانوں کو 25 ہزار روپے کی امدادی رقم دی جائے گی۔انہوں نے کہا بدین کے ساتھ حیدرآباد کو بھی آفت زدہ قرار دیا گیا ہے، نوٹیفکیشن پیر تک جاری ہو جائے گا۔ الیکشن سے متعلق مراد علی شاہ نے کہا کہ انتخابات کا فیصلہ پہلے بھی الیکشن کمیشن نے کیا تھا۔