اسلام آباد(نیشنل ٹائمز) سابق صدرپاکستان اور پاکستان پیپلز پارٹی پارلیمنٹیرینز کے صدر آصف علی زرداری نے پی آئی اے میں ریفرنڈم جیتنے پر پیپلزیونٹی کے صدر ہدایت اللہ خان اور دیگر کو مبارکباد دیتے ہوئے پی آئی اے کے محنت کشوں کا شکریہ ادا کیا ہے۔آصف علی زرداری نے پیپلزیونٹی کے صدر ہدایت اللہ خان کی بھرپور ستائش کا اظہار کرتے ہوئے کہا کہ ہدایت اللہ خان محنت کشوں کے حقوق کی جنگ لڑ رہے ہیں۔ سابق صدر نے کہا کہ پاکستان پیپلزپارٹی محنت کشوں کی قوت ہے اور محنت کش پاکستان پیپلزپارٹی کی طاقت ہیں۔ پی آئی اے کے ریفرنڈم میں پیپلزیونٹی کی کامیابی محنت کشوں کی طرف سے پاکستان پیپلزپارٹی پر اظہار اعتماد ہے۔ انہوں نے کہا کہ پی آئی اے قومی ادارہ ہے پیپلزیونٹی قومی ادارے کی حفاظت اور دفاع کرے گی۔