اسلام آباد(نیشنل ٹائمز)معروف بالی ووڈ اداکارہ چترانگدا سنگھ نے پاکستانی اداکارہ مہوش حیات کی ہمشکل کہلائے جانے پر خوشی کا اظہار کیا ہے۔چترانگدا سنگھ نے اپنے ایک حالیہ انٹرویو میں سوشل میڈیا صارفین کی جانب سے اپنے پاکستانی اداکارہ مہوش حیات کی ہمشکل قرار دیے جانے کے بارے میں بات کی۔اُنہوں نے کہا کہ ’مجھے انسٹاگرام پر بہت سے لوگ ٹیگ کرکے کہتے ہیں کہ میں پاکستانی اداکارہ مہوش حیات کی ہمشکل ہوں۔مہوش حیات کے گمشدہ مہنگے جوتوں کی قیمت کیا تھی؟اُنہوں نے مزید کہا کہ کچھ لوگ تو یہ سوال بھی کرتے ہیں کہ ہم جڑواں بہنیں تو نہیں ہیں۔چترانگدا سنگھ نےکہا کہ میں نے ابھی تک سیریز مس مارول میں مہوش حیات کا کام نہیں دیکھا لیکن وہ بہت خوبصورت اور پیاری ہیں۔اُنہوں نے اس بات سے اتفاق کیا کہ میں مہوش حیات سے کافی زیادہ مماثلت رکھتی ہوں اور یہ اس حوالے سے میں صرف یہ کہنا چاہوں گی کہ ہم دونوں بہت دلکش خواتین ہیں۔