اسلام آباد(نیشنل ٹائمز)بھارتی معروف اداکارہ عالیہ بھٹ کی سوشل میڈیا پر نئی تصویریں وائرل ہیں جن پر مداح اُن پر خوب پیار نچھاور کر رہے ہیں۔فلم ’گنگو بائی‘ کے بعد شہرت کی نئی بلندیوں کو چھونے والی اداکارہ عالیہ بھٹ جَلد ہی ماں بننے والی ہیں جبکہ اس دوران وہ اپنی مصروفیات بھی جاری رکھے ہوئے ہیں۔عالیہ بھٹ کی نئی جھلک دیکھ کر مداح کافی پرجوش نظر آ رہے ہیں۔عالیہ بھٹ کی نئی تصویروں میں دیکھا جا سکتا ہے کہ وہ فراک پہنے ہوئے سادگی میں نہایت معصوم اور خوبصورت نظر آ رہی ہیں۔ہر دن پہلے سے زیادہ فٹ، سلم اور اسمارٹ نظر آنے والی عالیہ بھٹ ان نئی وائرل تصویروں میں ’چَبی‘ (موٹی) نظر آ رہی ہیں اسی لیے مداحوں کا کہنا ہے کہ عالیہ بھٹ کا بچپن لوٹ آیا ہے۔کچھ انٹرنیٹ صارفین کی جانب سے عالیہ بھٹ کو اپنا خیال رکھنے اور حمل کے دوران اونچی ایڑھی کا جوتا نہ پہننے کا مشورہ بھی دیا جا رہا ہے۔