اسلام آباد (نیشنل ٹائمز)موسمیاتی تبدیلی سے دنیا بھر میں ٹماٹر کی پیداوار متاثر ہونے کا امکان ہے جس کے باعث عالمی سطح پر کیچپ کی قلت پیدا ہوسکتی ہے۔ایک حالیہ تحقیق میں یہ بات سامنے آئی ہے کہ موسمیاتی تبدیلی دنیا بھر میں ٹماٹروں کی فصل کو متاثر کرے گی جس سے عالمی سطح پر کیچپ کی قلت پیدا ہو جائے گی۔ریسرچ پیپر ’نیچر‘ میں شائع ہونے والی یہ تحقیق آرہس یونیورسٹی، ڈنمارک کے محققین نے کی ہے۔ اس تحقیق میں یہ جاننے کے لیے کہ گلوبل وارمنگ کس طرح ٹماٹر کی پیداوار کو متاثر کر سکتی ہے، ایک ریاضیاتی ماڈل بنایا گیا۔دنیا میں سب سے زیادہ ٹماٹر کی پیداوار اٹلی، چین اور کیلیفورنیا میں ہوتی ہے جوکہ عالمی سطح پر ٹماٹر کی دو تہائی پیداوار کے لیے ذمہ دار ہیں اور یہ تینوں ممالک بڑھتی ہوئی گرمی کا شکار ہیں۔خون کے ٹیسٹ سے پتہ چل سکتا ہے کہ انسان تنہائی کا شکار ہے، تحقیقاس تحقیق میں یہ پیشگوئی کی گئی ہے کہ دنیا میں ٹماٹر کی پیداوار 2100 اور 2050 کے درمیان آدھی رہ جائے گی۔تحقیق کے مطابق، ماحول میں کاربن ڈائی آکسائیڈ کے ارتکاز کو روکنے سے بلند درجہ حرارت کے منفی اثرات کو کم کیا جاسکتا ہے، لیکن ان پر مکمل طور پر قابو نہیں پایا جاسکتا۔تحقیقی رپورٹ میں یہ پیشگوئی بھی کی گئی ہے کہ دنیا میں ٹماٹر کی پیداوار جوکہ ابھی 14 ملین ٹن ہے، کمی آنے کے بعد 7 ملین ٹن سے بھی کم رہ جائے گی۔