لندن ( سپیشل رپورٹ نیشنل ٹائمز ) جہلم سے تعلق رکھنے والی پاکستانی نژاد نوجوان لڑکی صباحت امتیاز نے برطانیہ کی سیاست میں پاکستان اور ضلع جہلم کے جھنڈے گاڑ دیئے ، نواحی علاقہ کیڑی افغاناں کے سیاسی و سماجی خاندان جہلم شہر کے نواحی علاقہ کیڑی افغاناں کی معروف سماجی شخصیت (مرحوم) بائواسحاق خان کی پوتی اور خان امتیاز کی صاحبزادی کم عمر پاکستانی نژاد برطانوی خاتون صباحت امتیاز نے برطانیہ کی بڑی سیاسی پارٹی لیبر پارٹی کی نمائندگی کرتے ہوئے یوکے بلیک برن کے انتخابات میں 1487 ووٹوں کی برتری حاصل کرکے برطانیہ میں پچھلے کئی سالوں کا ریکارڈ توڑڈالا،

صباحت امتیاز کو یہ اعزاز بھی حاصل ہے کہ نومنتخب کونسلرز میں سب سے کم عمر کونسلر منتخب ہوئیں ہیں صباحت امتیاز نے کم عمری میں وکالت کی ڈگری مانچسٹر یونیورسٹی سے حاصل کی اور اس وقت وہ وکالت جیسے معتبر پیشے سے وابستہ ہیں یاد رہے صباحت امتیاز جہلم شہر کے نواحی علاقہ کیڑی افغاناں کی معروف سماجی شخصیت (مرحوم) بائواسحاق خان کی پوتی اور خان امتیاز کی صاحبزادی ہیں ،نو منتخب کونسلر صباحت امتیاز نے ٹیلیفونک گفتگو کرتے ہوئے بتایا کہ میرے شہر یعنی بلیک برن کی عوام میرے ساتھ بے پناہ محبت کرتے ہیں جس کیوجہ سے بلیک برن کے انتخابات میں مجھے اللہ رب العزت نے بھاری کامیابی سے نوازہ ہے انہوں نے اس بات کا اعادہ کیا کہ بلیک برن کے عوام کو کسی صورت مایوس نہیں ہونے دون گی

انہوں نے میرے اوپر اعتماد کا اظہار کرتے ہوئے مجھے کامیابی سے ہمکنار کیا ہے اور میں انشاءاللہ اپنی کمیونٹی اور اپنے علاقے کے مسائل حل کرنے کی بھرپور کوشش کروں گی اسی جذبے کے تحت سیاست میں آئی ہوں مجھے پچپن سے ہی وکالت کے پیشے سے لگاؤ تھا انہوں نے کہا کہ میری پرورش ایک سیاسی سماجی خاندان میں ہوئی جس سے مجھے سیاست میں آنے کا شوق پیدا ہوا اور مجھے اپنے والدین یعنی والد اور والدہ دونوں کی سرپرستی حاصل تھی صباحت امتیاز کے آبائی گاؤں میں ان کے آباؤ اجداد صباحت امتیاز کی کامیابی پر خوش ہیں اور گاؤں میں مبارکباد کا سلسلہ جاری ہے۔