اسلام آباد (نیشنل ٹائمز)کھانے پکانے کے انوکھے انداز سے دُنیا بھر میں اپنی مقبولیت کے جھنڈے گاڑنے والے معروف تُرک شیف براک ازدمیر کی صحت سے متعلق خبریں زیرِ گردش ہیں۔براک کے لیے دُعاؤں پر مبنی پوسٹس اس وقت سوشل میڈیا پر گردش کر رہی ہیں کیونکہ مشہور ترک شیف براک اوزدیمیر کے بارے میں افواہ ہے کہ وہ برین ٹیومر میں مبتلا ہیں۔دوسری جانب براک نے اپنے تصدیق شدہ انسٹاگرام اکاؤنٹ پر اسپتال کے بستر سے اپنی تصویر شیئر کی جس میں اُنہوں نے نیلے رنگ کا اسپتال کا گاؤن اور سر پر سرجیکل ٹوپی پہنی ہوئی ہے۔ترک شیف نے تصویر کے کیپشن میں ترکی اور انگریزی دونوں زبانوں میں مداحوں کو یقین دلایا کہ سب کچھ ٹھیک ہے۔براک کی پوسٹ کے باوجود بھی صارفین کا کہنا ہے کہ اُنہیں برین ٹیومر ہوا ہے اور یہ خبر اُنہوں نے مداحوں سے چھپائی ہے۔