صحافت کی عظمت ہمیشہ رہے گی
قلم کی حکومت ہمیشہ رہے گی

 

فریضہ ہے اپنا کریں سچ بیانی
نہ سمجھو ہمیں،کوئی قٍصہ کہانی
حقیقت سے پردہ اُٹھاتے رہیں گے
سدا آٸینہ ہم دکھاتے رہیں گے

ہماری یہ عادت ہمیشہ رہے گی
صحافت کی عظمت ہمیشہ رہے گی

 

ستم جو بھی ہو گا وہ سہتے رہیں گے
مگر جھوٹ کو جھوٹ کہتے رہیں گے
بھلے کاٹ دو تم ہماری زبانیں
نہیں اب چلیں گی سیاسی دکانیں

صحافی کی جُرات ہمیشہ رہے گی
صحافت کی عظمت ہمیشہ رہے گی

 

چلن پہلے بھی یہ چلاٸے گئے ہیں
کہ تم جیسے پہلے بھی آٸے گئے ہیں
سدا کوٸی سٍکّہ بھی چلتا نہیں ہے
ہمیشہ کوٸی ظلم رہتا نہیں ہے

مگر یہ حقیقت، ہمیشہ رہے گی
صحافت کی عظمت ہمیشہ رہے گی

 

ہیں پیشٍ نظر آگہی کے اُجالے
نہ ہم جُھکنے والے نہ ہم بٍکنے والے
حفاظت کریں گے سدا اس چمن کی
بڑھاٸیں گے توقیر اہلٍ وطن کی

وطن سے محبت ہمیشہ رہے گی
صحافت کی عظمت ہمیشہ رہے گی

عمیر علی انجم

۳مارچ۲۰۲۲