اسلام آباد ( نیشنل ٹائمز) پڑوسی ملک بھارت میں ایک ہارڈویئر دکان پر ہونے والی ڈکیتی کی سی سی ٹی وی فوٹیج میں ایک چور کو دکان لوٹنے کے بعد ڈانس کرتے ہوئے دیکھا گیا ہے۔بھارتی ریاست اتر پردیش میں ہارڈویئر کی دکان پر ڈکیتی کی سی سی ٹی وی فوٹیج منظرِ عام پر آگئی ہے جس کی سوشل میڈیا پر وائرل ہونے کی ایک عجیب وجہ ہے۔ فوٹیج میں ایک چور کو دکھایا گیا ہے جو ہارڈویئر کی دکان کو لوٹنے کے ارادے سے اندر داخل ہوا اور لوٹنے کے بعد ناچنے لگا، پولیس نے مجرم کے خلاف مقدمہ درج کر لیا ہے اور فی الحال اس ’ناچنے والے چور‘ کی تلاش میں ہے۔یہ واقعہ 16 اپریل کی صبح پیش آیا، چور بغیر کسی جدوجہد کے دکان میں داخل ہوا اور سب سے پہلے کیش کاؤنٹر پر جو کچھ ملا اسے لے لیا، پھر، اس نے دکان پر نصب سی سی ٹی وی کیمرہ دیکھا۔ تاہم، کیمرہ نے چور کو خوفزدہ نہیں کیا۔ چور نے کیمرہ دیکھ کر ناچنا شروع کر دیا۔ وائرل ویڈیو میں چور کا چہرہ مشکل سے نظر آرہا ہے کیونکہ چور نے اپنے چہرے کو کپڑے سے ڈھانپ رکھا تھا۔دوست نے دولہے کے ہار سے پیسے چُرا لیےبھارتی میڈیا کے مطابق اگلی صبح جب دکان کا مالک اپنی دکان پر پہنچا تو دیکھا کہ شٹر ٹوٹا ہوا ہے، دکان میں داخل ہونے کے بعد اس نے دیکھا کہ اس کے دراز سے نقدی رقم بھی غائب تھی۔ جب اس نے سی سی ٹی وی فوٹیج کا معائنہ کیا تو اسے یہ عجیب و غریب فوٹیج نظر آئی، اس کے بعد پولیس کو اطلاع دی گئی جوکہ معاملے کی تحقیقات کر رہے ہیں۔