اسلام آباد (نیشنل ٹائمز)جنوبی افریقا میں سیلاب کی تباہ کاریاں جاری ہیں جس میں اب تک 443 افراد ہلاک ہوچکے ہیں۔غیر ملکی میڈیا کےمطابق جنوبی افریقا کے جنوب مشرقی ساحلی علاقے میں آنے والے سیلاب نے شدید تباہی مچائی ہے جس میں حکام نے اب تک 443 افراد کی ہلاکت کی تصدیق کی ہے جب کہ متعدد افراد تاحال لاپتا ہیں۔جنوب مشرقی صوبے کے حکام کاکہنا ہےکہ اتوار کے روز دو ریسکیو اہلکار بھی ہلاک ہوئے جب کہ مزید 63 افراد کا اب تک کچھ پتا نہیں۔میڈیا رپورٹس کے مطابق گزشتہ ہفتے جنوبی افریقا کے صوبے کوازولو ناتال میں شدید بارشوں سے بڑے پیمانے پر تباہی ہوئی جب کہ سیلاب کے نتیجے میں ساحلی شہر ڈربن میں زیادہ ہلاکتیں ہوئیں جہاں پانی عمارتوں اور گھروں میں داخل ہوگیا۔سیلاب کے نتیجے میں اسپتال اور 500 کے قریب اسکولز مکمل طور پر تباہ ہوچکے ہیں۔
صوبائی حکام نے ہلاکتوں، گھروں کی تباہی اور انفرا اسٹرکچر کی تباہ کاریوں کو تاریخی قرار دیا ہے۔