اسلام آباد(نیشنل ٹائمز ) اسلام آباد کے سندھ ہاؤس میں موجود تحریک انصاف جہانگیر ترین گروپ کے رکن قومی اسمبلی راجہ ریاض کا کہنا ہے کہ یہاں 24 ایم این ایز موجود ہیں۔ حامد میر سے سندھ ہاؤس میں گفتگو کرتے ہوئے راجہ ریاض نے انکشاف کیا کہ پارلیمنٹ لاجز پر حملے کے خدشے کے پیش نظر وہ لوگ سندھ ہاؤس میں موجود ہیں۔گفتگو میں حامد میر نے بتایا کہ انہوں نے وہاں موجود پی ٹی آئی کے ایم این ایز کو گنا تو وہ 20 تھے تاہم باقی اور لوگ بھی موجود ہوسکتے ہیں۔راجہ ریاض کا کہناتھا کہ عمران خان گارنٹی دیں ارکان جوچاہیں فیصلہ کریں ، فوادچودھری کےساتھ پارلیمنٹ جائیں گے ، حکومت کوچیلنج کرتاہوں پارلیمانی پارٹی کااجلاس بلائیں، ہمارے ایم این ایزپرتشددہوااورتھانے لے گئے، ہم اپنے ضمیر کے مطابق ووٹ دیں گے۔ نور عالم نے کہا کہ عمران خان کے 20کروڑوالی بات پرافسوس ہوا، جوپیسے لے کرووٹ بیچتے ہیں،وہ رسول اکرمؐ کے امتی نہیں، کسی کے دباو کے بغیر سندھ ہاؤس آیا ہوں۔ نواب شیر و سیر نے کہا کہ اگلا الیکشن ہم پی ٹی آئی کے ٹکٹ پر نہیں لڑیں گے ۔