اسلام آباد(نیشنل ٹائمز)روس کے وزیرخارجہ سرگئی لاروف نے پیر کو اپنا جینیوا کا دورہ منسوخ کر دیا ہے۔یاد رہے کہ سرگئی لاروف تخفیف اسلحہ پر بات چیت اور اقوام متحدہ کے انسانی حقوق کے ادارے یو این ہیومن رائٹس کونسل کے سیشن میں شرکت کے لیے جینیوا جانے والے تھے۔یوکرین پر روسی حملے کے بعد یورپی یونین کی جانب سے عائد کی گئی فضائی پابندی کے باعث روسی ایوی ایشن کیلئے یورپی فضائی حدود بند ہے، جس کی وجہ سے روسی وزیرخارجہ کا طیارہ وہاں نہیں جاسکتا تھا۔