اسلام آباد (نیشنل ٹائمز)پاکستان تحریک انصاف (پی ٹی آئی) کے رکن قومی اسمبلی اور ٹیلی ویژن میزبان ڈاکٹر عامر لیاقت حسین نے سوشل میڈیا پر اپنی تیسری شادی کا تمسخر اڑانے والوں کو جواب دے دیا۔ فوٹوز اینڈ ویڈیوز شیئرنگ ایپ انسٹاگرام پر عامر لیاقت نے تحریر کیا کہ ان لوگوں کو سلام پیش کرتا ہوں جنہیں لگتا ہے کہ یہ شادی ہے اس کے سوا کچھ اور نہیں۔انہوں نے مزید تحریر کیا کہ جو ان سے جل رہے ہیں وہ ان کے لیے مرض میں افاقے کی دعا کرتے ہیں۔ عامر لیاقت نے لکھا کہ جو مجھے تیسری اہلیہ کے ساتھ دیکھ کر تڑپ رہے ہیں وہ درد کی دوا دو وقت کھائیں۔خیال رہے کہ ایک روز قبل ڈاکٹر عامر لیاقت حسین نے اپنی تیسری شادی کا اعلان کیا تھا۔