اسلام آباد(نیشنل ٹائمز)بالی ووڈ کی معروف اداکارہ روینہ ٹنڈن نے ان افواہوں کی تردید کی ہے کہ انکی اپنے عہد کی ساتھی اداکارائوں شلپا شیٹھی، کاجول اور کرشمہ کپور کے ساتھ رقابت رہی ہے۔ ان کا کہنا تھا کہ ہمارے درمیان کوئی گندی سیاست یا ایک دوسرے کو نیچا دکھانے کا معاملہ نہیں ہے۔شوبز میں خواتین کو یکساں اجرت ملنا حقیقت بن رہا ہے، روینہ ٹنڈن1990 کے عشرے کی صف اول کی بالی ووڈ ہیروئن روینہ نے مذکورہ بالا اداکاراؤں سے اپنے تعلقات پر گفتگو کرتے ہوئے اس تاثر کو قطعی غلط قرار دیا کہ وہ آپس میں حریف ہیں۔انھوں نے مزید کہا کہ شلپا تو پہلے دن سے ان کی قریبی دوست رہی ہیں، ہم دونوں نے اکٹھے کئی فلمیں کی ہیں، جبکہ کاجول سے کافی دوستی ہے۔ یاد رہے کہ روینہ نے اپنا بالی ووڈ کیریئر 1991 میں فلم پتھر کے پھول سے کیا جس پر انھیں فلم فیئر ایوارڈ برائے نیو فیس دیا گیا۔