لاہور(نیشنل ٹائمز)ابوظہبی میں جاں بحق ہونے والے پاکستانی کا جگر اور گردے پاکستان لا کر کامیاب ٹرانسپلانٹ کر دیا گیا ،اعضاء خصوصی طیارے سے پاکستان لائے گئے۔پاکستان کڈنی اینڈ لیور انسٹیٹیوٹ لاہور کے سربراہ ڈاکٹر فیصل سعود ڈار کے مطابق ابو ظہبی سے کلیو لینڈ کلینک کی 4 رکنی ٹیم بھی پاکستان آئی،ابوظہبی میں انتقال کرنے والے پاکستانی شخص کے اعضا ء پی کے ایل آئی لاہور میں ٹرانسپلانٹ کیے گئے۔ انہوںنے بتایا کہ پاکستان اور متحدہ عرب امارات بعد از مرگ اعضا ء کے عطیات کا رجحان بڑھانے کی کوشش کر رہے ہیں۔انہوں نے مزید بتایا کہ بعداز مرگ اعضا ء کے عطیے کے ذریعے 2 پاکستانی مریضوں کی جان بچائی گئی۔پی کے ایل آئی لاہور کے سربراہ ڈاکٹر فیصل سعود ڈار نے یہ بھی بتایا کہ گردے اور جگر کی پیوندکاری کے دونوں مریض صحت یاب ہیں۔