اسلام آباد: (نیشنل ٹائمز) متحدہ عرب امارات (یو اے ای) کے شہر دبئی میں واقع ایک شاپنگ مال سے چوری کے جرم میں ایک خاتون کو قید کی سزا سنادی گئی۔ عرب میڈیا کی رپورٹ کے مطابق اس 46 سالہ خاتون پر 5 ہزار درہم کا جرمانہ بھی عائد کیا گیا ہے۔ رپورٹس کے مطابق مال کے سیکیورٹی افسر نے خاتون کو مال سے چوری کرتے ہوئے پکڑا تھا اور اسی نے دبئی پولیس کو اس کی شکایت کی تھی۔ سیکیورٹی افسر کا کہنا تھا کہ خاتون نے شاپنک مال سے گارمنٹس کا سامان چوری کیا اور وہ مال سے نکلنے ہی والی تھی کہ اس کو پکڑ لیا گیا۔ سیکیورٹی افسر کا کہنا تھا کہ خاتون کے بیگ کی تلاشی لینے کے بعد اس میں چوری شدہ کپرے ملے جس کے بعد پولیس نے آکر اسے گرفتار کرلیا تھا۔ تفتیش کے دوران خاتون نے چوری کا اعتراف کیا تھا اور بتایا تھا کہ اس نے مال کی پہلی منزل پر موجود ایک اسٹور میں 3 عدد لباس کے چوری سے بچاؤ کے لیے لگائے گئے ٹیگز کو ہٹادیا تھا۔