اسلام آباد(نیشنل ٹائمز)وزیر مملکت اطلاعات و نشریات فرخ حبیب نے کہا ہےکہ ماحولیاتی تبدیلی کے حوالے سے عملی اقدامات سے وزیراعظم عمران خان گلوبل لیڈر کے طور سامنے آئے ہیں، ایک ارب درخت لگانے کا چیلنج پورا کرنے کے بعد اب 10 ارب درخت لگانے کا چیلنج بھی پورا کریں گے۔ ہفتہ کو اپنے ٹویٹ میں وزیر مملکت اطلاعات و نشریات فرخ حبیب نے کہا کہ اس سال عالمی ماحولیاتی دن کی میزبانی بھی پاکستان کررہا ہے۔ انہوں نے کہا کہ گرین ڈپلومیسی دنیا کےساتھ تعلقات کے نئے راستے بنا رہی ہے۔ پاکستان میں کلین انرجی اور ڈیمز بنانے کے کیے پہلی 500 ملین ڈالرز گرین یورو بانڈ فنانسنگ بھی منظور ہوچکی ہے۔ورلڈ اکنامک فورم، بون چیلنج سمیت عالمی ماحولیاتی فورمز پاکستان کی پذیرائی کررہے ہے۔