اسلام آباد (نیشنل ٹائمز)وفاقی وزیر داخلہ شیخ رشید نے شمالی وزیر ستان کے علاقے میران شاہ میں پہلے پاسپورٹ آفس کا افتتاح کر دیا، ہفتہ کو شمالی وزیرستان کے دورے کے دوران وزیر داخلہ کو میران شاہ میں علاقے کے مسائل پر بریفنگ بھی دی گئی، وزیر داخلہ نے علاقے کےلئے نادار کی دو موبائل وینز فراہم کرنےکا بھی وعدہ کیا۔ انہوں نے کہا کہ دو ر دراز علاقوں کے عوام ان موبائل وینز سے مستفید ہوسکیں گے۔ وزیر داخلہ نے کہا کہ انگور اڈہ سمیت دیگر علاقوں میں بھی پاسپورٹ آفس بنائےں گے،پاسپورٹ اور نادرا دفاترمیں میرٹ پر مقامی لوگ بھرتی کریں گے، نادرا دفاتر میں خواتین کو تربیت دے کر بھرتی کیا جائے۔