اسلام آباد(نیشنل ٹائمز) پاکستان پیپلزپارٹی کے چیئرمین بلاول بھٹو زرداری کی پی پی پی کے سینئر نائب صدر راجہ پرویز اشرف سے ملاقات۔چیئرمین بلاول بھٹو زرداری اور سابق وزیراعظم راجہ پرویزاشرف کے درمیان زرداری ہاؤس میں ہونے والی ملاقات میں ملکی سیاسی صورت حال پر بات چیت ہوئی۔چیئرمین بلاول بھٹو زرداری اور راجہ پرویز اشرف نے عوام دشمن پی ٹی آئی ایم ایف بجٹ کے حوالے سے پی پی پی کی حکمت عملی پر بھی گفتگو کی گئی۔چیئرمین بلاول بھٹو زرداری کا پی پی پی وسطی پنجاب کے چیف آرگنائزر راجہ پرویز اشرف سے تنظیمی صورت حال پر بھی تبادلہ خیال کیا گیا۔ چیئرمین بلاول بھٹو زرداری نے راجہ پرویز اشرف کو ہدایت کی کہ وسطی پنجاب میں پارٹی کی تنظیم سازی کے عمل کو جلد سے جلد مکمل کریں۔