اسلام آباد(نیشنل ٹائمز ) وزیر مملکت برائے پارلیمانی امور علی محمد خان نے کہا ہے کہ پاکستان تحریک انصاف کی حکومت میڈیا کے ساتھ کھڑی ہے لیکن سیکورٹی اداروں کو کسی صورت بھی بغیر ثبوت کے ہدف تنقید بنانا ٹھیک نہیں۔ جمعرات کو ایوان بالاکے اجلاس میں مختلف ارکان کے نکتہ ہائے اعتراض کے جواب میں انہوں نے کہاکہ ہماری افواج نے دہشت گردی کے خلاف بے پناہ قربانیاں دی ہیں، آج بھیجنازے اٹھائے جا رہے ہیں، پاکستان تحریک انصاف کی حکومت میڈیا کے ساتھ کھڑی ہے۔ انہوں نے کہا کہ جس صحافی نے مشہور ہونا ہوتا ہے وہ ملکی اداروںپر تنقید کرتا ہے، یہ سلسلہ بند ہونا چاہیے۔