اوکاڑہ(نیشنل ٹائمز)اوکاڑہ یونیورسٹی میں ڈینگی سے بچاو کی آگہی کے حوالے سے سیمینار کا انعقادہوا۔پروفیسر زکریا ذاکراکاکہنا ہےکہ یونیورسٹی کومعاشرے میں حفظان صحت کا شعور بیدار کرنا چاہیے۔یونیورسٹی میں ڈینگی سے بچاو کی آگہی کے حوالے سے ایک سیمینار منعقد ہوا۔ جس کی صدارت وائس چانسلر پروفیسر ڈاکٹر محمد زکریا ذاکر نے کی۔ سیمینار میں شعبہ زووالوجی کے سربراہ ڈاکٹر محمد واجد نےڈینگی کے لاروا کی افزائش روکنے کےلیے حفظان صحت اور نکاسی آب کے متعلق ایک خصوصی لیکچر دیا۔ سیمینار سے خطاب کرتے ہوئے وائس چانسلر نے کیمپس کو صاف ستھرا رکھنے اور حفظان صحت کے بارے میں مقامی آبادیوں میں آگہی پیدا کرنے کی ضرورت پہ زور دیا۔ ان کا کہنا تھا کہ کیمپس میں کہیں بھی کوئی کوڑا کرکٹ یا بیماری پیدا کرنے والا مواد نہیں ہونا چاہیے۔ ایک یونیورسٹی معاشرے کےلیے رہنماادارہ ہوتا ہے۔ ہمیں معاشرے سے حفظان صحت کے بارے میں پائے جانے والے منفی رویوں کو ختم کرنے کے ضرورت ہے۔ ہمارادائرہ کار محض یونیورسٹی کی چاردیواری تک محدود نہیں ہونا چاہیے بلکہ ہمیں پورے معاشرے کی تعلیم و تربیت کےلیے کام کرنے کی ضرورت ہے۔ ڈاکٹر واجد نے اساتذہ کو اس بات کی ترغیب دی کہ وہ اپنے طلباء میں اردگر کے ماحول کی صفائی ستھرائی کے متعلق شعور بیدار کریں۔ سیمینار کے اختتام پہ انہوں نے دیگر اساتذہ کے ساتھ مل کر پورے کیمپس کا دورہ کیا نکاسی آب کے مختلف طریقوں پہ عملی اقدامات کا مظاہرہ بھی کیا۔