الریاض (نیشنل ٹائمز) مسلم لیگ (ن) آزاد کشمیر میں واضح طور پر جیت رہی ہے، الیکشن کا التواء کسی صورت بھی قبول نہیں کریگی، اپنی پارٹی اور قائدین کے ساتھ چٹان کی طرح کھڑے ہیں، تفصیلات کے مطابق پاکستان مسلم لیگ (ن) سعودی عرب و ذیلی تنظیمات سمیت مسلم لیگ ن یوتھ ونگ کے عہدیداران و کارکنان قائمقام صدر مسلم لیگ (ن) سعودی عرب راجہ معروف ، صدر مسلم لیگ (ن) جدہ ریجن سردار اعجاز حنیف، جنرل سیکرٹری مسلم لیگ (ن) سعودی عرب راجہ شمروز خان، کوآرڈی نیٹر وزیراعظم آزاد کشمیر سردار اقبال، نائب صدر مسلم لیگ ن آزاد کشمیر جدہ قاری محمد صادق ترابی، مرکزی نائب صدر مسلم لیگ ن سعودی عرب چوہدری محمد ممتاز یعقوب،ممبر مرکزی مجلس عاملہ مسلم لیگ ن آزاد کشمیر لال حسین راجپوت، صدر مسلم لیگ ن دمام ریجن راجہ عامر عزیز، صدر مسلم لیگ ن یوتھ ونگ راجہ ارشد، راجہ حسن صالح، اظہر عباسی، شیراز کیانی سمیت دیگر نے اپنے ایک مشترکہ بیان میں کہا کہ پی ٹی آئی الیکشن میں اپنی واضح شکست اور ن لیگ کی برتری دیکھ کر الیکشن کا التواء چاہتی ہے جو کسی صورت بھی قبول نہیں۔ مسلم لیگ (ن) اپنی پانچ سالہ کارکردگی کی بنیاد پر دوبارہ الیکشن جیتنے کی پوزیشن میں نظر آتی ہے اس لئے اُس کی راہ میں رکاوٹیں ڈالنے کی کوشش کی جا رہی ہے، آزاد کشمیر میں گلگت بلتستان کی تاریخ نہیں دہرائی جا سکتی، اگر ایسا کوئی قدم اُٹھایا گیا تو مسلم لیگ ن تمام جماعتوں کے ساتھ مل کر اس کوشش کو ناکام بنائے گی۔ن لیگ نے ریاست بھر میں عوام کی بھرپور خدمت کی ہے، اجتماعی منصوبہ جات کی تکمیل سے ہر سیاسی جماعت سے وابستہ شخص مستفید ہو رہا ہے۔ قائد کشمیر راجہ فاروق حیدر خان کی قیادت میں مسلم لیگ (ن) دوبارہ بھاری اکثریت سے کامیاب ہو کر حکومت بنائے گی۔ مسلم لیگ (ن) سعودی عرب کے قائدین و کارکنانوں نے اس بات کا اعادہ کیا کہ ہم سب اپنی جماعت کے ساتھ چٹان کی طرح کھڑے ہیں اور اپنے قائدین کے ساتھ مل کرمسلم لیگ (ن) کو واضح برتری سے جتوائیں گے۔