بغداد(نیشنل ٹائمز)وزیر خارجہ مخدوم شاہ محمود قریشی کی وزارتِ داخلہ عراق آمد۔عراق کے وزیر داخلہ جناب عثمان الغانمي نے وزیر خارجہ کا خیر مقدم کیا۔وزیر خارجہ کی عراقی وزیر داخلہ کے ساتھ ملاقات ہوئی۔وزیر خارجہ کا کہنا تھا کہ پاکستان، عراق کے ساتھ دو طرفہ تعلقات کو خصوصی اہمیت دیتا ہے۔پاکستان اور عراق کے مابین یکساں مذہبی، ثقافتی اور تاریخی بنیادوں پر استوار، دیرینہ برادرانہ تعلقات ہیں ۔پاکستانی، مذہبی اعتبار سے عراق کے ساتھ گہری دلی وابستگی رکھتے ہیں ۔ہر سال دولاکھ سے زائد ہر مسلک سے تعلق رکھنے والے پاکستانی زیارات مقدسہ کیلئے عراق آتے ہیں ۔ وزیر اعظم عمران خان کے وژن کے مطابق، زائرین کی سفری مشکلات کے ازالے اور انہیں مناسب سہولیات کی فراہمی کیلئے، زائرین مینجمنٹ پالیسی “متعارف کروا رہے ہیں۔