اسلام آباد(نیشنل ٹائمز)وزیر اعظم کی کفایت شعاری مہم کے تحت قومی اسمبلی سیکریٹریٹ نے رواں مالی سال میں1 ارب 38 کروڑ 93 لاکھ 94 ہزار روپے کی بچت کی،بچت کی گئی رقم قومی خزانے میں جمع کروا دی گئی۔تفصیلات کے مطابق وزیراعظم کی کفایت شعاری مہم میں قومی اسمبلی پیش پیش،ترجمان قومی اسمبلی سیکرٹریٹ کے مطابق اسپیکر قومی اسمبلی کی ہدایت پر قومی اسمبلی سیکریٹریٹ نے رواں مالی سال میں1 ارب 38 کروڑ 93 لاکھ 94 ہزار روپے کی بچت کی۔ترجمان قومی اسمبلی سیکرٹریٹ نے کہا ہے کہ بچت غیر ضروری اخراجات میں کمی کے ذریعے کی گئی ہے،بچت قومی اسمبلی کی تاریخ کی سب سے بڑی بچت ہے،بچت کی گئی رقم قومی خزانے میں جمع کروا دی گئی۔