اسلام آباد(نیشنل ٹائمز)مرکزی رہنما پیپلز پارٹی سینیٹر پلوشہ خان کا اہم بیان ۔پلوشہ خان کا کہنا ہے کہ عمران خان سندھ سے دشمن جیسا سلوک بند کرے۔پلوشہ خان نے دعویٰ کیا کہ سندھ کو پانی کے جائز حصے سےمحروم رکھا جا رہا ہے۔ان کا کہنا ہے کہ پانی روک کر سندھ کی ذراعت کو تباہ کیا جا رہا ہے،ارسا میں سندھ کے نمائیندے سے توہین آمیز سلوک وفاق کیلئے سوالیہ نشان ہے۔انہوں نے چیئرمین ارسا کی طرف سے سندھ کے نمائیندے سے توہین آمیز سلوک کو شرمناک قرار دیا۔ سندھ میں 10 گھنٹے بجلی کی لوڈشیڈنگ کی جا رہی ہے، اٹھارویں آئینی ترمیم کے بعد صوبوں کو حق سے محروم رکھنا آئین سے انحراف ہے۔