اسلام آباد(نیشنل ٹائمز)صدر جنرل اسمبلی کی وزارتِ خارجہ آمد۔پاکستان کے دو روزہ دورے پر آئے ہوئے، اقوام متحدہ جنرل اسمبلی کے صدر جناب والکن بوذکر کی وفد کے ہمراہ وزارتِ خارجہ تشریف لائے ۔وزیر خارجہ مخدوم شاہ محمود قریشی نے معزز مہمان کا خیر مقدم کیا‘صدر جنرل اسمبلی والکن بوذکر ،کچھ ہی دیر میں وزیر خارجہ مخدوم شاہ محمود قریشی سے ملاقات کریں گے۔والکن بوذکر اور وزیر خارجہ کے مابین وفود کی سطح پر مذاکرات ہوں گے۔ان مذاکرات میں علاقائی امن و سلامتی، اقوام متحدہ چارٹر میں دیے گئے زریں اصولوں کی پاسداری سمیت باہمی دلچسپی کے امور پر تبادلہ خیال کیا جائے گا۔ صدر جنرل اسمبلی وزیر خارجہ کے ہمراہ مشترکہ پریس کانفرنس سے خطاب کریں گے۔جنرل اسمبلی کے صدر، وزیر اعظم عمران خان سمیت اعلیٰ قیادت سے ملاقاتیں کریں گے۔والکن بوذکر پہلے ترک ڈپلومیٹ ہیں جو اقوام متحدہ جنرل اسمبلی کی صدارت کے منصب پر متمکن ہوئے۔
اقوام متحدہ جنرل اسمبلی کے صدر جناب والکن بوذکر کی وفد کے ہمراہ وزارتِ خارجہ آمد
