اسلام آباد(نیشنل ٹائمز)پاکستان پیپلز پارٹی کی رہنما سینیٹر پلوشہ خان نے وفاقی وزیر وفواد چوہدری کے بیان پر ردعمل کا اظہار کرتے ہوئے کہا ہے کہ عدالتوں اور الیکشن کمیشن سے عمران خان ہی بھاگتے رہے ہیں۔ فواد چوہدری قوم کو یہ بتائیں کہ 13 مئی کو عید کروانے والی شخصیت کون ہے۔ پلوشہ خان نے کہا کہ آصف علی زرداری جھوٹے الزامات پر مبنی مقدمات کا سامنا کر رہے ہیں۔ آصف علی زرداری پر جھوٹے مقدمات بنانے والوں کا مقدر صرف شرمندگی ہے۔ انہوں نے کہا کہ آصف علی زرداری گذشتہ 31سال سے جھوٹے مقدمات، بے بنیاد الزامات اور وحشیانہ میڈیا ٹرائل کا سامنا کر رہے ہیں۔ انہوں نے کہا کہ جتنی قید آصف علی زرداری نے کاٹی ہے اور انتقام کا نشانہ بنے ہیں کوئی اور نہیں بنا۔ انہوں نے وفواد چوہدری کو مشورہ دیا کہ وہ اپنے قد سے بڑی باتیں کرنے سے گریز کریں۔