چھنگ ڈو (شِنہوا)بیرون ملک قدیم چینی کتابوں کی شناخت میں مدد کے لئے ایک مصنوعی ذہانت کا منصوبہ تیار کیاگیا ہے ۔97.5 فیصد درستگی کی شرح کے حا مل اس منصوبے نے قدیم چینی کتابوں کے 2 لاکھ صفحات کی نشاندہی کی ہے جس میں 30 ہزار حروف شامل ہیں۔اس منصوبے کو مکمل کرنے میں سیچھوآن یونیورسٹی ، یونیورسٹی آف کیلیفورنیا ، بر کلے اور علی بابا کی ڈیمو اکیڈمی کو دو برسوں سے زیادہ کا عرصہ لگا ہے ۔سیچھوآن یونیورسٹی کے اسکول برائے تاریخ اور ثقافت کے نائب ڈین وانگ گو نے کہا ہے ابتدا میں درستگی کی شرح تقریبا40فیصد تھی، ہمارے پاس 30 سے زائد طلبا موجود ہیں جو ان حروف کی نشاندہی کریں گے،جن کی شناخت مصنوعی ذہانت کے ذریعے نہیں ہوئی یاغلط ہوئی تھی ، تاکہ درستگی بہتر بنانے میں مدد مل سکے ۔شناخت شدہ قدیم چینی کتابوں کے ڈیجیٹل ورژن آن لائن رکھے گئے ہیں اوریہ عوام کے لئے کھلے ہیں۔مزید قدیم چینی کتابوں کی شناخت کے لئے بیرون ملک کوششیں جاری رہیں گی۔