نیویارک(نیشنل ٹائمز)پاکستان تحریک انصاف کے وائس چیئرمین / وزیر خارجہ مخدوم شاہ محمود قریشی کی نیویارک میں پاکستان تحریک انصاف (نیو یارک چیپٹر) کی جانب سے منعقدہ تقریب میں شرکت۔ رانا جاوید صدر تحریک انصاف نیویارک چیپٹر ، امجد نواز صدیقی نائب صدر، سیکرٹری جنرل شاہد رانجھا اور تحریک انصاف کی قیادت نے وزیر خارجہ کا فقید المثال استقبال کیا۔تحریک انصاف پاکستان کے وائس چیئرمین /وزیر خارجہ مخدوم شاہ محمود قریشی جب ہال میں تشریف لائے تو شرکاء نے اپنی نشستوں سے کھڑے ہو کر، تالیوں کی گونج میں وزیر اعظم عمران خان، وزیر خارجہ اور پاکستان تحریک انصاف کے حق میں نعرے لگائے۔شرکاء نے “سیز فائر” کی صورت میں فلسطین امن سفارتی مشن کی کامیابی پر وزیر خارجہ کو مبارکباد دی۔ وزیر خارجہ ابھی کچھ ہی دیر میں پاکستان تحریک انصاف (نیویارک چیپٹر ) کی تقریب سے خطاب کریں گے۔