راولپنڈی (نیشنل ٹائمز )شمالی وزیرستان میں سرحد پار سے دہشتگردوں نے حملہ کردیا جس کے نتیجے میں پاک فوج کا ایک جوان شہید ہو گیا ہے ۔پاک فوج کے شعبہ تعلقات عامہ آئی ایس پی آر کی جانب سے جاری بیان کے مطابق دہشتگردوں نے افغانستان سے شمالی وزیرستان میں پاک فوج کی چوکی پر فائرنگ شروع کی جس کے نتیجے میں 32سالہ سپاہی عمر دراز شہید ہو گیا جو جھنگ کا رہائشی تھا۔آئی ایس پی آر کے مطابق پاکستان بارہا افغانستان سے مطالبہ کرچکا ہے کہ وہ پاک افغان سرحد پر اپنی طرف موثر سرحدی انتظام اور کنٹرول کو یقینی بنائے۔ پاک فوج کے مطابق پاکستان دہشتگردوں کی جانب سے افغان سرزمین کے پاکستان کیخلاف مسلسل استعمال کی شدید مذمت کرتا ہے۔
شمالی وزیرستان میں سرحد پار سے پاک فوج کی چوکی پر حملہ ،پاک فوج کا ایک جوان شہید
