کراچی (نیشنل ٹائمز)ڈائریکٹر محکمہ موسمیات سردار سرفراز کا کہنا ہے کہ سمندری طوفان تاؤکتےنے مزید شدت اختیار کرکے رخ تبدیل کرلیا ہے جس کے باعث پاکستان کی ساحلی پٹی سے خطرہ ٹل گیا ہے۔ محکمہ موسمیات کا کہنا ہے کہ سمندری طوفان تاؤکتے کراچی سے 1210 کلو میٹر فاصلے پر ہے اورکراچی میں بارشوں کا امکان کم ہوگیا ہے۔تھر پارکر ، بدین، لاڑکانہ سمیت دیگر علاقوں میں تیز بارشوں کا امکان ہے۔محکمہ موسمیات کے مطابق 18مئی تک شہرقائد میں گرمی کا سلسلہ جاری رہے گا، 19مئی سے شہر میں سمندری ہوائیں بحال ہوں گی۔ شہری 11 بجے سے شام 4 بجے تک دھوپ میں نکلنے سے احتیاط کریں۔