بیجنگ (نیشنل ٹائمز)چین میں گذشتہ ماہ مسافرکاروں کی فروخت میں گزشتہ سال کے مقابلے میں اضافہ ہوا ہے جب کوویڈ- 19 کی وبا کے دوران کاروں کی فروخت میں کمی واقع ہوئی تھی۔چائنہ مسافر کار ایسوسی ایشن (سی پی سی اے)کے اعداد و شمار کے مطابق مسافر گاڑیوں ، جن میں سیڈان ، اسپورٹ یوٹیلیٹی گاڑیاں اور کثیر المقاصد گاڑیاں شامل ہیں کی خوردہ فروخت گزشتہ سال کے مقابلے میں 12.4 فیصد اضافے کے ساتھ اپریل میں تقریبا 16لاکھ 10ہزار یونٹ رہی۔ایسوسی ایشن نے کہا کہ مارچ سے اپریل تک اس تعداد میں 8.3 فیصد کمی ہوئی۔ ابتدائی چار مہینوں میں مسافر گاڑیوں کی فروخت گزشتہ سال کے مقابلے میں50.7 اضافے کے ساتھ 67لاکھ یونٹ رہی جو2005 میں سی پی سی اے کی جانب سے خوردہ فروخت کے اعدادوشمار جمع کرنے کے بعد سے ریکارڈ اضافہ ہے۔ ایسوسی ایشن نے اس اعلی نمو کو گذشتہ سال کی اس مدت میں گاڑیوں کی کم فروخت سے منسوب کیا ہے۔ ایسوسی ایشن نے مزید کہا کہ اپریل میں لگژری کاروں کی فروخت میں گزشتہ سال کے مقابلے میں 30 فیصد اضافہ ہوا۔ 2019 میں اسی مہینے کے مقابلے میں اس میں 50 فیصد اضافہ ہوا جو چین میں کھپت میں مضبوط نمو کے باعث ہونے والے اضافے کو ظاہر کرتا ہے۔