ممبئی (نیشنل ٹائمز )بالی ووڈ کی معروف  اداکارہ  انوشکا شرما 33برس کی ہوگئیں۔یکم مئی1988ء  کو بھارتی ریاست اْتر پردیش کے شہر ایودھیا میں پیدا ہونے والی انوشکا شرما نے اپنے شوبز کریئر کا آغاز ماڈلنگ سے کیا تاہم بالی ووڈ فلم نگری میں ان کی آمد 2008میں ادیتہ چوپڑا کی فلم ‘‘رب نے بنادی جوڑی’’ سے ہوئی جس میں ان کے مدِ مقابل بالی ووڈ کنگ شاہ رخ خان نے مرکزی کردار ادا کیا۔فلمی دنیا میں انوشکا کی پہلی کامیاب فلم بینڈ باجا بارات ثابت ہوئی  جس کے بعد انہوں نے پٹیالہ ہائوس، لیڈیز ورسز رکی بہل، جب تک ہے جاں اور مترو کی بجلی کا منڈولہ جیسی مختلف موضوعات پر مبنی فلموں میں کام کیا اور کئی ایوارڈز اپنے نام کیے۔