کراچی (نیشنل ٹائمز) معروف اداکارہ مہوش حیات نے وفاقی وزیر تعلیم شفقت محمود سے امتحانات منسوخ کرنے کی اپیل کردی۔سوشل میڈیا پر اپنے ایک بیان میں مہوش حیات نے کہا ہے کہ کورونا کی تیسری شدید لہر کے دوران امتحانات کا انعقاد خطرناک ثابت ہوگا، طلبہ کو زبردستی امتحانات کے لیے کہنا نامناسب ہے۔اداکارہ نے مزید کہا کہ کورونا کی تیسری لہر کے دوران امتحانات کا انعقاد نہ صرف خطرناک ثابت ہوگا بلکہ تعلیم میں بہت زیادہ خلل آنے کی وجہ سے امتحانات کا انعقاد غیر منصفانہ بھی ہو گا۔انہوں نے وفاقی وزیرتعلیم شفقت محمود سے اپیل کی کہ دوسرے ممالک کی طرح پاکستان میں بھی امتحانات منسوخ کئے جائیں۔