اسلام آباد (نیشنل ٹائمز) حکومت نے وفاقی کابینہ میں ایک مرتبہ پھر سے بڑے پیمانے پر تبدیلیوں کا فیصلہ کر لیا ہے ۔تفصیلات کے مطابق حکومت نے شوکت ترین کو وفاقی وزیر خزانہ کی ذمہ داری دینے کا فیصلہ کر لیا ہے جبکہ عمر ایوب سے وزیر توانائی کا چارج واپس لیتے ہوئے یہ ذمہ داری حماد اظہر کے سپرد کر د ی گئی ہے اور ان سے وزارت خزانہ کا قلمدان واپس لے لیا گیاہے ، عمر ایوب کو وزیر برائے اقتصادی امور بنا دیا گیاہے ۔ خسرو بختیار کو صنعت و پیدوار کا چارج دیدیا گیاہے ،ان کے علاو ہ شبلی فراز کو وفاقی وزیر برائے سائنس و ٹیکنالوجی بنا دیا گیاہے ۔یاد رہے کہ فوادچوہدری کو چند دن قبل حکومت نے وفاقی وزیر اطلاعات کا چارج دیدیا تھا جس کے باعث وزیر سائنس و ٹیکنالوجی کا عہدہ خالی ہو گیا تھا جہاں اب شبلی فراز کو تعینات کر دیا گیاہے ۔