اقوام متحدہ (شِنہوا) اقوام متحدہ (یو این) کی سلامتی کونسل نے انڈونیشیا کے شہر مکاسار میں اتوار کے روز ہونے والے گھناؤنے اور بزدلانہ دہشت گرد حملے کی شدید مذمت کی ہے۔ایک بیان میں سلامتی کونسل کے ارکان نے دہشت گردی کی ان قابل مذمت کارروائیوں کے مرتکب افراد ، منتظمین ، مالی اعانت کرنے والوں اور سرپرستوں کا احتساب کرنے اور ان کو انصاف کے کٹہرے میں لانے کی ضرورت پر زور دیا ہے، جبکہ تمام ریاستوں سے مطالبہ کیا گیا ہے کہ وہ اس ضمن میں انڈونیشیا کی حکومت اور دیگر تمام متعلقہ حکام کے ساتھ فعال طور پر تعاون کریں۔انہوں نے اس بات کی توثیق کی ہے کہ دہشت گردی اپنے تمام تر اشکال اور اظہار میں بین الاقوامی امن و سلامتی کے لئے سب سے سنگین خطرہ ہے اور اس بات کی ضرورت پر زور دیا ہے کہ تمام ریاستیں دہشت گردی کی کارروائیوں کے نتیجے میں بین الاقوامی امن اور سلامتی کو لاحق خطرات سے نمٹیں۔سو لا ویسی جزیرے پر واقع شہر مکاسار کے ایک گرجا گھر میں خودکش حملے کے نتیجے میں دونوں بمبار ہلاک اور 19 افراد زخمی ہوگئے تھے۔